Элыштына частичный мобилизацийым увертарымек да кундемыштына спецоперацийыш колташлан тӱшка-влакым погаш тÿҥалмек, ятыр еҥ да предприятий-влак шке полышыштым темленыт. Мутлан, «Йолочка» ургышо предприятий мобилизацийыш логалше-влаклан 300 малме мешакым – спальникым урген пуэн. Юрий Зайцев нуным тидлан тауштен да палемден: «Йолочка» ушем тыгай поро кумылым ятыр гана ончыктен. Пандемий жапыште гын, тудо ятыр маскым яра урген пуэн. Кызыт гын ургызо-влак мобилизацийыш логалше-влаклан полшаш кумылаҥыныт. Юрий Зайцевын мутшо почеш тыгай предприятий-влакым примерыш кондыман да нунын пашашт дене кугешныман. Кызытсе куштылго огыл жапыште кеч-могай полышат Сеҥымашым лишемдаш полша.
Комментариев: 0