Туныктыш министерстве «Марий юмынйӱла» предметлан программым ямдылаш, да ончыкыжым тиде модульым «основы светской этики» предмет радамышке пурташ темлен. Тидын дене пырля марий йӱла дене кылдалтше тоштер экспозиций-влакым кумдаҥдыме, да монографийым лукмо нерген. Александр Евтстифеев нине темлымаш-влакым марий онаеҥ-влак дене вашлиймаш дечын вара министерстве-влаклан пуэн. Тыгак тӱвыра министерстве Марий Турек район администраций дене пырля «Марий пӧрт» тоштер-этнографий комплексым ышташ, а Волжский районышто Чодраял воктене отым тӱзаташ палемденыт. Тидын дене пырля самырык-влакын политике, спорт да туризм министерстве Рудӧ юмынйӱла ушем дене пырля турист маршрут-влакым ышташ тӱҥалыт.
Онаеҥ-влак дене вашлиймаште Александр Евстифеев таумут дене У Торъял районысо «Марий кумалтыш» общинын тӱҥ онаеҥже Владимир Багачевым, Советский район гыч Герман Милютиным, да Куженер гыч Альберт Рукавишниковым палемден.
Комментариев: 0