14:01, 26-10-2021Марий Турек районышто у медицин обордований дене еҥ-влакын тазалыкыштым тергат

16 миллион утла теҥгелан у рентгенаппаратым Марий Элыште тазалыкаралтышым саемдыме шотышто программе кышкарыште налме.

Оборудованийым вераҥдаш, кабинетым капитально олмыктеныт, у окнам шынденыт, кондиционерым келыштареныт, кӱварысе ленолиумым алмаштеныт. У аппарат дене тӱжем утла пациент тергымашым эртен. 

Регионысо тазалыкаралтыш министерствыште палдарат: 2021ше ийлан модернизаций программе кышкарыште кундемна мучко 15 еденице оборудованийым уэмдышаш улыт. Нунын коклаште – компьютер томограф, рентгеным ыштыше аппарат, маммограф, флюрограф да УЗИ аппарат-влак.