Йочасадлаште ешартыш верым ышташ да районласе школ-влакын материально-технический базыштым уэмдаш 22 миллион теҥге ойыралтеш. Тидын шотышто документышке кидпалыжым регион вуйлатыше Александр Евстифеев пыштен. Медведево районлан идалыкат пеле гыч кум ияш-влак марте йоча-влаклан йочасадлаште верым ышташ 17 миллион теҥге палемдалтеш. Кызыт Руэм поселкышто 100 верлан да Нурма поселкышто 55 верлан йочасадым чоҥат. Субсидий-влакым Марий Турек да У Торъял районлашкат колтат. Тушто К.Андрееев лӱмеш Карлыган школым да У Торъял районысо школым оборудований дене пойдарат.
Комментариев: 0