Марий Элыште ыштыме «ушан» цифровой сервис-влакым Москвасе эмлымверлаштат илышышке пурташ тӱҥалыт. Шукерте огыл Йошкар-Олаште «поликлинике-влаклан ушан расписаний» проектым ыштыше Сергей Якунин Москвасе «Коммунарке» семын палыме - 40-ше номеран клинический больницын медсоветше дене вашлийын. Республике гыч специалистым тӱҥ врач Денис Проценко ӱжын. Тушто поликлинике-влакын ушан расписанийышт нерген мутланеныт. Ушештарена, ты проект «Мы вместе» тӱнямбал премийын полуфиналышкыже лектын, тудым эл кумдыкышто кучылташ тӱҥалыт.
Комментариев: 0