Марий Эл вуйлатыше Звенигово олаште канализационный коллекторым тӧрлаш 11 миллион тенгем ойыраш кӱштен. Александр Евстифеев тидлан пӧлеклалтше оперативный совещанийым эртарен. Звениговышто йӱштӧ вӱд дечын посна 7 тӱжем утла еҥ кодын. Аварийым тӧрлаташ да вӱдым пуымо системым саемдаш кӱлеш йӧным кучылтыныт. Кызыт еҥ-влаклан тидын шотышто нелылык уке. Ыштыме смете дене келшышын, аварийым тӱрыс тӧрлаш 11 миллион теҥге кӱлеш. Александр Евстифеев оксам Правительствын резерв фондшо гыч ойыраш темлен. Пытартыш 4 ийыште Звенигово оласе канализационный коллекторым тӧрлаш правительствын резерв фондшо гыч 78 миллион теҥге ойыралтын. Лишыл кум ийыште 3 водозаборым чоҥышаш улыт, тиде Сергушкино ялыште, Мочалище да Красногорский поселкылаште. Тидлан 560 миллион теҥге ойыралтеш.
Комментариев: 0