12:32, 22-03-2022Озанлык-влак шошо агалан ямдылалтыт

Озанлык-влак шошо агалан ямдылалтыт. Шыжым мланде пашаеҥ-влак 47 тӱжем гектар кумдыкышто кокияшым ӱденыт, тыгак ятыр кумдыкышто мландым шыжымак куралын коденыт. Кызыт озанлыклаште пырчым тергат, шошо агам эртарен колташ ӱяҥдышым да техникым ямдылат. Озанлыклаште 80 процент удобренийым ямдылыме, тыгак тений 63 единице у техникым налыныт, тидын радамыште 16 трактор, пырчым погаш 4 комбайн.