Тений Марий Элысе медицин оргнизаций-влаклан 24 у автомашинам налыт. Тышечын кумытшым Волжск оласе рӱдӧ эмлымверлан конденыт. Мемнан элыште лукмо транспорт пациент да врач-влакым кондыштараш, эм, биологический материалым кӱлеш верышке намиен шукташ кучылталташ тӱҥалеш. Автомашина-влакым «Первичный звенон модернизацийже» программе дене келшышын налме. Ушештарена, кодшо ийын республикышке 61 транспортым конденыт.
Тыгак тений вич поликлиникым капитально тӧрлат. Ты радамыште Йошкар-Оласе 2 да 4 номеран поликлинике-влак, 1-ше номеран йоча, тыгак Волжск оласе 2-шо поликлинике-влак да Семеновкысо врачебный амбулаторий.
Комментариев: 0