Марий Эл Республикысе 1700 туныктышын лӱмжӧ энциклопедический книгаште. Тений Анатолий Муравьевын «Учителями жива Россия» лӱман книгаже савыкталтын. Тушко автор сулло да калык туныктышо лӱмым нумалше, тыгак орден, медаль да значок-влак дене палемдалтше педагог-влакым пуртен.
Тимофей Евсеев лӱмеш тоштерыште эн сай тоштер пашаеҥ-влакым палемденыт. Кугыжаныш да муниципал тоштерлаште тыршыше-влакым куд номинацийыште саламленыт. «Диалог с наследием» номинацийыште Звенигово краеведений тоштер гыч Ираида Комисаренко, «За верность профессии» - Козьмодемьянск тоштер комплекс гыч Владимир Шерстнев ойыртемалтыныт. Ключников-Палантай лӱмеш тоштер пӧртын вуйлатышыже Наталья Смирновам «Куратор выставки года», а республикысе тӱссымыктыш тоштерын пашаеҥже Кристина Сазыкинам «Весна музеев» номнацийыште суапландареныт. Тыгак Евсеев лӱмеш тоштер гыч Мария Мансурова да Тӱссымыктыш галерей гыч Анна Зиновьевам палемденыт.
Комментариев: 0