Кеҥеж тургым – пайрем-влаклан поян. Поснак тиде жапыште у еш-влак чумыргат. Но коронавирус инфекций шарлымым чактарыме амал дене ик жаплан ЗАГС-влак ешым регистрироватлаш заявленийым онлайн йӧн дене налыныт да уна-влакымат ЗАГС пӧлкаш пуртен огытыл. Тачысе кечылан сӱрет тыгайрак: ушнаш шонышо-влак унам ӱжнешт гын, шотыш налшаш улыт – пӧлемыште 10 деч шуко еҥ лийшаш огыл. Адакшым тиде чотыш ончыкылык вате-марий шкешт пурат, тыгак фотограф да видеографым ӱжыныт гын – нунат тиде 10 еҥышкак пурышаш улыт. Уна-влаклан шке коклаште дистанцийым кучыман да аралтыш маскым, перчаткым чийыман. ЗАГС пӧлемыште возалташ шонышо мужыр гына пырля шоген кертыт.
Комментариев: 0