Республикысе книгагудо-влак уэш шке омсаштым почыт. Тыгодым икмыняр условийым шотыш налаш кӱлеш: книгагудышто 4 квадрат метрлан 1 еҥ гына лийын кертеш. Тушто пашам ыштыше да мийыше-влак коклаште 1,5 метр дистанцийым эскерыман. Ӱстел коклаште 1 еҥ деч шуко шинчышаш огытыл. Ушештарена, коронавирус инфекций шарлымым шижтарыше посна ямде улмо режимым 16 август марте шуйымо. Но тидын годымак, ресторан, книгагудо, унагудо, санаторий, каныме базе, зоопарк-влаклан чыла санитар нормым эскерен пашам ышташ лиймыже нерген увертарыме.
Комментариев: 0