Россий Федераций кугыжаныш советын паша группыжо видео кыл йӧн дене черетан погынымашым эртарен. Тиде погынымашлан посна виктышым палемдыме, тиде – «Чоҥымаш, илыш-коммунал озанлык да оласе среда». Тиде конференцийыш Марий Эл вуйлатыше Александр Евстифееват ушнен. Ушештарена, Россий президент Владимир Путинын кӱштыкшо почеш, кызыт субъект-влак вуйлатыше-шамычын паша лектышыштым аклаш манын 15 тӱрлӧ шӧрыным палемдыме. Нунын коклаште «Чоҥымаш да илыш-коммунал озанлык» йодышым рашемдымашат уло. Тидым шотыш налын, чыла регионышто национал проект-влакым илышыш шот да радам дене шыҥдарышаш улыт. Мемнан республикысе статистикым ончалаш гын, ӱмаште у илыме кумдыкым чоҥымаште 2018-ше ий дене танастарымаште лектыш кугурак. Но теве тений, калыкын у пачерым налаш йодмашыже иземын. Сандене жилфонд рынкыште темлымаш кугу.
Комментариев: 0