Марий Элым вуйлатыше Александр Евстифеев чоҥалтме объектлашке миен коштын, выездной совещанийым эртарен

0 25

Марий Элым вуйлатыше Александр Евстифеев чоҥалтме объектлашке миен коштын, выездной совещанийым эртарен. Тудын дене пырля чоҥымаш кумдыкым Марий Элын чоҥымаш, архитектур да илем ден ола озанлык шонышто министр Михаил Степанов да рӱдолан мэрже Евгений Маслов онченыт. Марий Эл вуйлатышын палдарымыж почеш Йошкар-Олаште яра кумдыкышто у пӧрт-влакым умбакыжат чоҥаш тӱҥалыт, у микрорайон-влак лектыт. Тушко аварий лӱдыкшыштӧ улшо пӧртла гыч еҥ-влакым кусарат, а тошто пӧрт олмышто шуко пачашан у пӧртым нӧлтат. Александр Евстифеев Гагарин проспект, Успенский, Панфилов да Первомай уремласе кумдыкым ончен лектын. Тушто кок пачашан илаш йӧрдымӧ – аварий лӱдыкшыштӧ улшо пӧрт-влак верланеныт. Нунын кумдыкышт 976 квадрат метрыш шуэш. 2022 ийлан ты верыште у пӧрт-влак лийшаш улыт. Эше ик у пӧртым Келшымаш да Машинстроитель корнывожышто, троллейбус парк деч тора огыл верланыше кумдыкышто чоҥаш палемдыме. План почеш. тушто 135 пачер верланышаш.


Похожие новости

Добавить комментарий

Публикации