«Марий кеҥеж» акций икмыняр арня район, ола, яллаште еҥ-влакым чумырен. Тиде акций регион вуйлатышын пашажым жаплан шуктышо Юрий Зайцевын темлымашыже почеш эртаралтын. Икмыняр арня тÿвыра пöрт пеленсе коллектив, эстраде мурызо, театр, икманаш тÿвыра да сымыктыш коллектив-влак тÿрлö программым ончыктеныт. Тидын радамыште классик музыкымат, фольклор коллективым ончаш да колышташ йöн лийын. Программе йоча-влаклан, кугыеҥ-влакланат келыштаралтын. Йошкар-Олаште «Марий кеҥеж» акций Патриарший площадьыште «Рок в опере» кугу концерт дене мучашлалтын. Эрик Спаев лӱмеш опер да балет театрын симфонический оркестрже, солистше-влак, рок музыкант-влак дене пырля ончышо-влаклан ойыртемалтше программым темленыт. «Апперкот» группо да тудын солистше Михаил Мосунов симфонический оркестрын шоктымыжо почеш ойрытемалтше касым пöлекленыт. 
Комментариев: 0