Похожие новости
Мы рекомендуем Вам зарегистрироваться либо войти на сайт под своим именем.
Регион вуйлатыше Юрий Зайцев республикыште чрезвычайный ситуаций лийме годым калыкым аралыме объект-влакын ямде улмыштым терген. Мемнан кундемыште командно-штабной учений эртен. «Арена Марий Эл» спорткомплекс воктене Юрий Зайцев специализированный технике дене палыме лийын. Ты радамыште пожарым йӧрташ, еҥ-влакым утараш, сусыргышо-влакым кондыштараш келыштарыме транспорт. Регион вуйлатыше Правительстве комиссийын куснылшо пунктыштыжат лийын.
Медведево районысо Куяр школышто 150 еҥым вераҥдаш келыштарыме пункт уло. Правительстве председательын алмаштышыже Степан Воронцов палдарен: пункт эреак ямде, тушто еҥ-влаклан кӱлеш годым медицин да социал полышым, шокшо кочкышым пуаш чыла гаяк йӧн уло. Иктаж туткар лиймеке, пунктым 3 шагат жапыште ямдылен шуктат.
Гражданский обороно дене ученийым эртарыме жапыште вуйлатыше-влак Звенигово олаштат лийыныт. Тушто убежищым акленыт. Юрий Зайцев иктешлен: «Еҥ-влакын илышыштым аралымаш эреак ончыл верыште лийшаш».
Комментариев: 0