Саранск олаште Российысе финно-угор калык-влакын интеллектуал усталык фестивальышт эртаралтын. Тушто тӱрлӧ кундемла гыч автор-влак икмыняр секцийыште возымо да кусарыме паша шотышто мастарлыкыштым шуареныт. Фестиваль Российын 15 регионжо гыч шочмо йылме дене возышо-влакым чумырен. Марий Эл гыч делегацийыште Марий Эл Республикысе сымыктышын сулло пашаеҥже, поэтессе, кусарыше Альбертина Иванова, серызе-влак: Игорь Попов, Алёна Яковлева да Владимир Матвеев лийыныт. Шочмо йылме дене сылнымутым возымаш да лудмаш пӱсын шога. Моло калык-влак дене таҥастарымаште, марий йылме дене возышо самырык-влак тачысе кечын улыт, поэт, писатель-влак сылнымут книга-влакымат луктыт. Паледыман, интелелктуал фестивальышке миен коштшо-влакын пашаштым лишыл жапыште посна сборникышке чумырат.
Комментариев: 0