Кампеткыште наркотик. 5-ше номеран исправительный колонийын оперативный отделын пашаеҥже-влак тудым посылкыште шекланеныт. Эртыше шуматкечын Советский районышто илыше колонийышке йокмам конден. Специалист кагаз дечын посна улшо тамле сийым тӱткын онченыт. Тудын кӧргыштыжӧ полимерный пленко гыч индеш шарик лийын, тушто – канде тӱсан порошок. Происшествий верышке МВД пашаеҥ-влакым ӱжыныт. Экспертизым эртарымеке, пале лийын, канде тӱсан порошок-синтетический наркотик. Тудын нелытше 0,77 грамм. Курьер шотыштат, а тудо шке жапыште тиде колонийыште эрык дечын посна лийын, уголовный пашам тарватат. Тидын нерген наказанийым шуктышо виктемын пресс-службыжо увертара.
Комментариев: 0