Похожие новости
Мы рекомендуем Вам зарегистрироваться либо войти на сайт под своим именем.
Регион вуйлатыше Морко районышто лийын. Ик эн ончыч тудо Коркатово лицейышке пурен. Тушто тунемше-влаклан малыме корпусым ыштыме йодыш уло. 2014 ийыште интернатым чоҥаш тӱҥалыныт, но пашам мучашлен огытыл. Лицейын директоржо Сергей Михайлов палдарен, интернат вес ялла гыч толшо ÿдыр ден рвезе-влаклан кÿлеш. Кызыт школышто 417 еҥ шинчымашым пога. Юрий Зайцев тунемме класс, компьютер класс-влакым аклен, лицейыште ышталтше патриот пашам ончалын. Юрий Зайцев интернатым чоҥен шукташ проект-смете документацийым ямдылаш кÿштен.
Вес объект – Шоруньжа школ. Тушто тунемме корпусын кокымшо черетшым чоҥен шуктымо йодыш уло. 2007 ийыште ик корпусым ыштен шуктеныт, кокымшым ышташ тӱҥалыныт. Школ столовыйышке йоча-влак вес корпусышко коштшаш улыт. Тидын шотыштат регион вуйлатыше проект-смете документацийым уэмдаш йодын. Тыгак Юрий Зайцев магистральный газопровод-влакын Моркысо линийный производственный виктемыштыже лийын. Тыгак совещанийым эртарен. Тушто корным чоҥымо, образований объект да пӧрт-влакым чоҥымо нерген ойленыт. Тидын радамыште Морко поселкышто медицин пашаеҥ-влаклан кужун чоҥымо илымвер.
Комментариев: 0