Йошкар-Олашке икымше 15 у автобусым конденыт. Март мучаш марте ПАЗ маркан эше 35 транспорт средстве кундемышке толын шуэш. Тидын нерген республике правительстве председательын алмаштышыже Александр Сальников палдарен. Тыге тӱшкан пайдаланыме транспорт чӱдылык йодышым мыняр-гынат рашемдат. Конкурсым эртарымеке, апрель мучаште у автобус-влак линийышке лекшаш улыт. Ушештарена, республике лизинг ойпидыш дене 5 ийлан 50 йӧнан у автоубусым налын. Транспорт 25 пассажирлан келыштаралтын, тазалык дене эмганыше-влакым кондыштараш йӧнан, тыгак электрон сервис-влакат автобусышто улыт.
Комментариев: 0