Марий телевиденийлан 60 ий. Йошкар-Оласе телевещаний студий гыч икымше передаче 1960 ий 15 августышто лектын. Марий Эл вуйлатышын лӱмжӧ дене телевиденийын пашаеҥже да ветеран-влакым республике виктер вуйлатышын икымше алмаштышыже Михаил Васютин саламлен. Телевиденийын юбилейжылан шке жапыштыже журналист-влак ушемын марий пӧлкан вуйлатышыже да ятыр жап телевиденийлан вуйын шогышо Владимир Оленёвлан шарнымаш оҥам почыныт. Тудым Волков уремысе 198 номеран пӧрт пырдыжышке вераҥденыт. Тиде пӧртыштӧ Владимир Иванович илен.
Комментариев: 0