Самырык шахматист-влакым тӱнямбал чемпион шкежак саламлен, а палыме гроссмейстерлан Марий Эл кугыжаныш суаптарым кучыктеныт. Марий кугыжаныш университет негызеш кок ий Сергей Карякинын шахмат школжо пашам ышта. Тунемме кум залыште компьютер оборудований уло. Тудым тунемаш да шахмат турнирым эртарыме годымат кучылтыт. Тиде жапыште 70 утла старт да таҥасымаш лийын. Теве эртыше кечылаште шахмат школышко коштшо ӱдыр-рвезе-влаклан суаптарым кучыктеныт. «Спорт-норма жизни» федерал проект дене тений кӱкшытышкӧ шушо спортсмен-влаклан полыш шотыш 300 тӱжем теҥге ойыралтын. Тений тудым 11 еҥлан кучыктеныт. Гроссмейстерым шкенжымат саламленыт. Регион вуйлатышын кӱштымашыже дене, Марий Эл республикын полномоченный представительже Николай Коротков Сергей Карякинлан «За заслуги перед Марий Эл» орденын медальжым кучыктен.
Комментариев: 0