Марий Эл вуйлатыше Юрий Зайцев Российын тазалыкаралтыш министрже Михаил Мурашко дене вашлийын. Тений нацпроект дене республикыште ты отрасльлан 594 миллион теҥге ойыралтын, тышечын 70 процентшым кучылтмо. Вашлиймаште Марий Элыште тиде сферыште икмыняр сай вашталтыш нерген ойленыт. Тыге, колымаш шагалемын, а илыш кужыт ешаралтын. Тидыже «Тазалыкаралтыш» нацпроектын федерал проектлаже дене ыштыме пашан лектышыже. Республикыште инфрастрeктуро вияҥеш, медицин полышын качествыже саемеш. Вашлиймаште тыгак кадр йодышымат нӧлталыныт: специалист-влакым ямдылыме да профессийышке толшо медперсоналлан ешартыш шийвундым ойырымо нерген ойленыт.
Комментариев: 0