Посна категорий граждан-влак эмым да медицин изделийым яра ойыраш республике бюджет гыч Тазалык аралымаш министерствылан ешартыш шийвундым колтат. Тидын шотышто распоряженийым Республикын правительствыже ыштен. 25 млн теҥгем южо граждан эм препарат да тазалыкым вияҥдаш кӱлмӧ медицин изделийым налаш палемдат. Эше 7 миллионат пелым у коронавирус инфекцийын профилактике, тудым шижтарыме да тиде черым сеҥаш ойырат. Тиде окса COVID-19-лан лабораторный исследований-тестым ышташ кая. Ешарена, идалык мучаш марте улшо ойпидыш дене республикыште 43 ИВЛ аппаратым кодышаш улыт, 10 аппаратым республикылан безвозмездно ойырат.
Комментариев: 0