16:49, 7-09-2020Марий кундемын 100 ияш лӱмгечыж вашеш ший оксам луктыт

Марий кундемын 100 ияш лӱмгечыж вашеш ший оксам луктыт. Россий Банк Марий автономийым ыштымылан 100 ий темме лӱмеш шарнымашан 3 теҥгеаш оксам ыштен. Тидым банкын пресс-службыжо увертара. Ший оксан ик могырыштыжо – Россий Федерацийын кугыжаныш гербше. Все могырыштыжо – марий  вургем дене шӱвырым шоктышо пӧръеҥ да марла куштышо ӱдырамаш. Тушто тыгак  «Марий Эл Республике» «100 ий» возымо.  Марий Эл республикысе национальный банкын пӧлкаштыже палемдат: Российын банкше историйыште икымше гана марий кундемлан пӧлеклалтше оксам луктеш.