Музыканты из Марий Эл могут принять участие в новом сезоне проекта «Звук Евразии»
Кодшо ийын Марий Эл икмыняр социал-экономике показатель дене кӱкшытым ончыктен
Кодшо ийын Марий Эл икмыняр социал-экономике показатель дене кӱкшытым ончыктен. Промышленный производствын кушкын толмыжо дене Юл кундемысе федерал округышто кокымшо верыште улына, Российыште ‒ 10 верыште. Тачысе кечын республикыште 186 инвестиций проектым илышышке пуртат. Тидлан 43 миллиард теҥге ойыралтын. Изирак да кокла кугытан бизнесыште 96 тӱжем утла еҥ пашам ышта. Марий Элын промышленность, экономике вияҥмаш да ужалымаш министерствын коллегийын заседанийыштыже Юрий Зайцев лийын. Ӱмаште регионысо 47 проект дене паша каен, 23 социал объектым ыштеныт але тӧрленыт. Министр ешарен: 2023 ийыште регионысо валовый продукым лукмо кугыт 4 процентлан ешаралтын, а «чоҥымаш» отрасльыште паша ‒ 21 процентлан, рознице дене ужалымаште кугыт 4 процентлан кушкын.
