Финн-угор калыкын усталыкшым ончыктышо «Финно-угорский транзит» фестиваль тений шке географийжым кумдаҥда. Тений икмыше гана фестиваль Тверской, Нижегородский, Рязанский да Вологодский областьлаште лиеш. Тений мемнан республике тиде фестивальым шке деныже огеш вашлий, но Марий Эл гыч коллектив-влак Нижний Новгород олаште эртыше концертышке каят. Тушто фестивальын кокымшо концертше лиеш, тудо калык хороегорафийлан пӧлеклатеш. Тыгак тушко Нижегородский да Ленинградский областьла гыч коллектив-влак мият. Фестиваль жапыште кажне регионышто выставке экспозиций, мастарлык-класс, кином ончыктымаш, Российын историй да тӱвыражлан пӧлеклалтше программе-влак лийыт.
Комментариев: 0