Марий Эл Телерадио » Марий Эл Радио » Ялозанлыкыште шуко ий пашам ыштымылан республикыште 11 тӱжем утла еҥлан пенсийышкыже ешарен тӱлат

11:54, 17-09-2020Ялозанлыкыште шуко ий пашам ыштымылан республикыште 11 тӱжем утла еҥлан пенсийышкыже ешарен тӱлат

Ялозанлыкыште шуко ий пашам  ыштымылан республикыште 11 тӱжем утла еҥлан пенсийышкыже ешарен   тӱлат. Регионысо пенсий фондын данныйже дене, идалык тӱҥалтыш гыч республикыште «ялысе» манме стажым 1373 пенсионерлан палемденыт. Тыгайже  республикыште чылаже 11 тӱжемат 406 еҥ погына. Тыгодым ялозанлыкыште 30 ий дечын шагал огыл  пашам ыштыман, ялыште илыман да сулен налме канышыш лекмек пашам ыштыман огыл. Тиде уло гын, пенсийыш  25 процентым   ешартен тӱлат.  Тений идалык тӱҥалтыш гыч «ялысе» манме надбавке 1421 теҥгешке шуэш. Инвалид улмылан  пенсийым налше-влаклан  705 теҥге ешаралтеш.  Ялыште пашам ыштымылан  да илымылан ешартышым  автоматически шотлат. Тыгодым сулен налме канышыште улшо еҥын  ялысе стажым пеҥгыдемдыше у документше лектеш гын, тудо кеч-могай жапыштат пенсий фондышко толын кертеш. 

Просмотров 484
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий