Волжскышто йолгорным волгалтарат

Тидын нерген оласе округын вуйлатышыже Рафис Шагвалеев увертарен. Шукерте огыл тудо оласе мэрын сомылжым шуктышо Сергей Лазарев дене вашлийын да «Машиностроитель» микрорайонысо участкым аклен. Чодырасе йолгорным верысе калык волгалтараш йодын, молан манаш гын, тудын гоч 12-шо номеран школышто тунемше-влак чӱчкыдын коштыт. Палемдыме верым ончалмеке, вуйлатыше-влак йоча-влакын коштмо корныштышт понар меҥгым шогалташ да тулым келыштараш келшеныт. Кызыт проектлан сметым ямдылат.

(Фотом Рафис Шагвалеевын лаштыкше гыч налме)