Марий Элыште шылым утларак ыштен налаш эше ик сай йӧн. Оршанка районышто «Шойбулакский» племзавод сӧснам ончымо у комплексым почын. Таче кечын тиде озанлыкын тыгай кугу да кызытсе саманлан келшыше комплексше - визымше. Тыге эшеат шукырак шылым ыштен налаш йӧн лиеш. Комплексым почмаште регион вуйлатыше Александр Евстифеев лийын. Тидын дене пырля районышто лиймыже годым вуйлатыше Кугунур ялышке миен. Тысе школышто пищеблокым ыштыме йодыш пӱсын шога. Тидлан келшыше верым ойыреныт.
Тыгак тений Кугунурышто у клубым ыштеныт. Полатым капитально олмыктымо дечын вара тушто библиотекылан вер келыштаралтын, тыгак концерт да хореографий зал-влакым уэденыт.
Комментариев: 0