Мемнан кундемыште ятыр пациент у технике полшымо дене реабилитацийым эрта

Кодшо ийын медицин учрежедний-влакым оборудований дене пойдараш 33 миллион теҥге ойыралтын. «Продолжительная и активная жизнь» нацпроект дене Йошкар-Оласе 1-ше номеран поликлинике да Шернур рӱдӧ эмлымверым пойдареныт. У аппаратур восстановительный эмлалтмашын качествыжым саемда.

Кажне ийын регионышто реабилитаций 14 тӱжем утла еҥлан кӱлеш, тышечын 2 тӱжем – йоча. Тӱҥжӧ – тиде инсульт, нелын сусыргымо, йыжыҥлан да тупрӱдылан операций дечын вара. Пациент-влак реабилитаций курсым эмлымверыште, тыгак кечывал стационарыште эртен кертыт. Кызытсе жаплан келшыше тренажер да аппарат-влак писынрак эмлалташ полшат.

Марий Элын вуйлатышыже Юрий Зайцев палдарен: республикыште ончыкыжымат тазалыкаралтыш системын модернизацийже шукталташ тӱҥалеш, тыгодым спецоперацийын участникше-влакат реабилитацийым эртен кертыт.