Марий Эл гыч Кудрявцевмыт еш «Идалыкын ешыже» российысе конкурсышто сеҥен. Нунылан ноутбукым пӧлекленыт. Тений Марий Эл гыч российысе конкурсышто кок еш ойыртемалтын. Эпидемиологийческий ситуацийлан кӧра, сеҥыше-влакым тиде ийын Москвасе Кремль Дворецышке чумырен огытыл. Пӧлекым регионлашке колтеныт.
Волжский район гыч Кудрявцевмыт ешыште вич икшыве: ныл эрге да ӱдыр. Ача-ава нуным шке калыкын йӱлажым палаш кумылаҥдат. Еш мер пашашке ушна, тыгак вес кундемлашке чӱчкыдын лектын коштеш.
Республике гыч сеҥыше кокымшо ешлан пӧлекым лишыл жапыште кучыктат. Тиде Шернур гыч Малининмыт еш.
Комментариев: 0