16:26, 1-12-2020Курыкмарий театр Мордовийын рӱдӧ олашкыже миен толын

Курыкмарий театр Мордовийын рӱдӧ олашкыже Саранскыш миен толын. Гастроль республикын 100 ияш лӱмгечыжым палемдыме кышкарыште эртаралтын. Мордовийысе калыкле драме театрын сценыштыже курык марий артист-влак кум спектакльым ончыктеныт. Нуным синхронно руш йылмыш  кусареныт. Кумытшат  республике да тӱнямбал кӱкшытан тӱрлӧ театр фестивальлаште ончыктымо улыт. Иктыже йоча-влаклан шындыме «Кутко сӱан».