Похожие новости
Мы рекомендуем Вам зарегистрироваться либо войти на сайт под своим именем.
Республикыште «Демографий» нацпроект почеш паша кÿлынак шукталтеш. 2018 гыч 2021 ий марте йочам школ деч ончыч тÿрлö могырым шуарыше учрежденийлаште 2 тÿжемат 750 верым почыт. Марий Элым вуйлатыше кызытсе жапыште Йошкар-Ола ден Медведево посёлкышто чоҥалтше садик-влакым ончен лектын. Тыге, рÿдолаште «Мирный» микрорайонышто йочасадым 320 верлан келыштарат. Тиде объект моткоч кÿлеш, молан манаш гын, пытартыш ийлаште тыште шуко пачеран ятыр пöрт нöлталтеш, икшыве-шамыч шочыт. Куандара, йочасадым график почеш жапыштыже чонат.
Вес йочасад Медведево посёлкышто чоҥалтеш. Тушко ончыкыжым 100 ÿдыр-рвезе кошташ тÿҥалеш. Тудым ончен лекмеке, Александр Евстифеев икмыняр ситыдымашым палемден коден.
Марий Элысе виктер социал кÿлешан тöнеж-влакын чоҥалтмыштым поснак чот эскера. Вет ола гына огыл, район-влакат вияҥыт. Еҥ-влак йочасад гай тöнеж-влакын почылтмыштым изин-кугун вучат. Ончыкылык нерген кызыт шонышаш улына.
Комментариев: 0