Самырык еҥ-влакым шанче пашалан кумылаҥдат. Марий Элыште «Изирак Евсеевский лудмаш» конференций эртен. Тушко 11-те гыч 18 ияш марте школышто да сузышто тунемше 30 утла ӱдыр-рвезе ушнен. Самырык шымлызе-влак шке туныктышышт дене пырля экологий, историй да туризм дене кылдалтше пӱсын шогышо йодыш-влакым лончыленыт. Нунын пашаштым кум секцийыште акленыт. Тиде «Пӱртӱс. Экологий», «Археологий. Историй. Этнографий» да «Музеологий. Туризм». Тунемше-влак неле теме деч лӱдын огытыл. Нуно шуко йодышым рашемденыт, марий кундемыште тыршыше еҥ-влакын илыш корныштым шергалыныт, шке тукымвожыштымат шымленыт.
Комментариев: 0