Кугу ачамладе сарыште элнам аралыше-влакын лӱмышт курымешлан электрон шарныктыш книгаш возалтеш. Марий Элыште, уло Россий семынак кугу проект илышыш шыҥдаралтеш. Тудын почеш кажне ял, ял шотан илем, ола гыч сарыш кайыше талешкын лӱмжым, тудын дене кылдалтше моло материалым чумырат. Умбакыжым уверым «Малая Родина. Книга памяти» порталыште вераҥдат. Ты кугу проект сеҥымашын 80-ше идалыкшылан пӧлеклалтын да тудым лач тиде лӱмгече вашеш ыштен шуктышаш улыт. Электрон книгаш лӱм, шочмо вер деч посна ятыр вес уверым пуртат. Тиде салтакын фотожо, красноармеецын книгаже, видео да ветеранын шарнымашыжат лийын кертыт. Йошкар-Олаште веле 15 тӱжем утла салтак нерген уверым погаш палемдыме.
Комментариев: 0