Марий Элыште «Российын ечегорныжо» таҥасымашын тӱҥ стартышкыже 800 наре еҥ ушнен. Тений тудо Звенигово олаште эртен. Спорт пайремышке Юрий Зайцев ушнен да таҥасымашлан стартым пуэн. Регион вуйлатыше Провой кундемын спорт аланыште поснак ойрытемалт шогымыжо нерген палемден: тыште ече дене коштмаштат, биатлоныштат ойыртемалтше спортсмен-влак ятырын улыт. Ушештарем, «Российын ечыгорныжо» таҥасымаш икмыняр ий пандемийлан кӧра кумдан эртаралтын огыл. Сандене тений спорт мероприятийыш ушнаш кумылан-влакын чотышт кугу лийын. Ийготым шотыш налын, ечызе-влак 5 да 10 километр кужытан дистанцийым шкаланышт ойырен кертыныт. Тӱшка старт-влак Марий Элын кажне районыштыжо лийыныт.
Комментариев: 0