19:38, 3-07-2023Марий Эл ТВ: Делегация из Марий Эл провела мероприятия на днях марийской культуры в Башкортостане

Кугу делегаций дене пошкудо регионыш. 23 да 24 июньышто Башкортостан Республикыште марий тӱвыран кечыже-влакым эртареныт. Тушко Марий Эл гыч делегаций миен. Тидлан «Россий марий-влак» калыкле тӱвыра автономий грантын сеҥен налын. Марий тӱвыра рӱдерын вуйлатышыже да пашаеҥже-влак, сӱретче, поэт, мурышо да куштышо коллектив, икманаш, марий активист-влак Мишкан да Калтаса районлаште лийыныт. Сӱретсымыктыш, поэзий, муро да куштымаш дене мастарлык-класс –влак эртаралтыныт.