Туныктышо-влак дене вашлиймаш. Регионысо туныктыш да шанче министерствыште эн сай педагог-влак дене вашлиймаш эртен. Нуно чыланат профессионал мастарлыкым шуарыше республикысе конкурслаште сеҥеныт да Марий Элын чапшым Российысе таҥасымаште араленыт. Идалыкын туныктышыжо Валентина Дружинина, идалыкын воспитательже Валентина Шукурова, марий йылмым эн сай туныктышо Людмила Пирогова, идалыкын психологшо Татьяна Хорошавина да идалыкын мастерже Дмитрий Андреев. Кажныже паша лектышыже да Россий кӱкшытан таҥасымашыш миен коштмыж дене палдарен.
Комментариев: 0