Йошкар-Олаште «Диво Евразии» фестиваль-конкурсын сеҥышыже-влакым палемденыт. Марий Эл гыч вич видеоролик сеҥышыш лектын. Палемдыман, конкурс тӱнямбал кӱкшытыштӧ эртен. Иктешлымашым Ираныште ыштеныт.

«Идалыкын туныктышыжо» да «Идалыкын воспитательже» конкурсын муниципал этапшым иктешленыт. Йошкар-Олаште тиде чап лӱмым 21-ше номеран школышто тӱҥалтыш класслам туныктышо Вероника Литвинова да рӱдоласе 47-ше номеран «Чудо-остров» йочасадын воспитательже Людмила Григорьева суленыт. Самырык специалист-влак дене мемнан съемочный группына вашлийын.

Программын унаже – Марий Эл Республикысе янлыкым аралыме шотышто департаментын советникше Дмитрий Пигалин.

Телым шошо алмашта. Мартыште игече палынак вашталтшаш. Республикысе метеоролог-влакын палдарымышт почеш, йӱшто игече шеҥгелан кодын, лум шулаш тӱҥалеш. Лач тиде тылзын Марий Элыште йӱдвел волгалтышым ужаш лиеш. Март тылзе могайрак лиеш, тудын дечын мом вучыман? Мемнан съемочный группына астроном Дмитрий Казаков да игечым эскерыше Геннадий Рыбаков дене вашлийын.

Сӱретым кидшӱм дене шижаш. Тимофей Евсеев лӱмеш калыкле тоштер социальный проект почеш «Трогательный мир марийской культуры» лӱман ончерым ямдыла. Тушко тоштерын шӧртньӧ фондшо гыч сӱрет коллекций пура. Брайыльын шрифтше дене возымо текст, йӱк, барельеф да аромокомпозиций дене пойдарыме ончер сокыр да начарын ужшо-влаклан ямдылалтеш. Инклюзивный ончер нерген кумданрак черетан сюжетыште.

Осмин Йыван, Василий Регеж-Горохов да Юрий Исаков… Тачысе кечын нунын лӱмышт поэзий аланыште чӱчкыдынак шокта. А «Давай на равных говорить…» проект кышкарыште нунын сылнымут саскашт кок йылме дене йоҥген. Проектын черетан погынымашыже шукерте огыл Йошкар-Оласе актёр пӧртыштӧ эртен.

Рвезе-влакым армий илышлан ончылгоч ямдылат. Тений самырык-влакым шуарыше «Авангард» рӱдерыште кок тӱжемат вичшӱдӧ наре рвезым туныкташ палемдыме. Сарзе сынан сбор-влак кажне арнян эртат, нуно вич кече шуйнат. Рӱдерыште рвезе-влак армийысе паша кышкар дене келшышын илат. Нуно нарядыште шогат, сар курал дене пашам ышташ тунемыт, строй дене коштыт, а эн тӱҥжӧ - дисциплиныштым пеҥгыдемдат. Ты гана «Авангардыште» сузлаште тунемше 100 утла рвезе чумырген.

Йочасадыште - этнографий тоштер.

2024 ийыште «Оласе йырвелым йӧнаным ыштымаш» федерал проект кышкарыште Йошкар-Олаште тӱшкан пайдаланыме 3 верым шотыш кондат. Нине кумдыкым рӱдолаште илыше-влак шке ойыреныт. Нунын коклаште - кӱртньыгорно вокзал кумдык, Тарханово парк да Марий парк. Кумданрак черетан материалыште.

Кумда сцене, гримерко, кулис, зал тич погынышо калык – тиде артистын илышыже. Артист лияш пӱртӱс пуымо мастарлык гына шагал. Тудын дене пырля чонышто улшо усталыкым калык ончыко лукман. М.Шкетан лӱмеш Марий кугыжаныш драме театрын артисткыже Галина Иванова тидым моткоч сайын пала. Тудо ынде 25 ий театрыште тырша. Кажне гана оҥай, шкешотан, шонаш таратыше роль-влакым чоҥа. 3-шо мартыште тудын бенефисше лиеш.