Советский районысо Кельмаксола ялыште йӱклымаш.

Мелнам кӱэшт да пӧлекым сеҥен нал. «Уло еш дене» проект умбакыже шуйна. Кызыт россий кӱкшытан проектын участникше-влак 13-шо номеран заданийым шуктат – Ӱярня жапыште тӱрлӧ мелнам кӱэштыт. Проектыш ушнышо ик чолга еш – Йошкар-Ола гыч Никоновмыт. Нунын дене мемнан съемочный группына вашлийын.

Спорт дене кылым кучат да салтак радамыш ушнаш ямдылалтыт. Республикысе школлаште кугурак классыште тунемше рвезе-влак спартакиадыш ушненыт. Йошкар-Олаште 13 да 14 мартыште призывлан ямдылалтше самырык-влак спортын тӱрлӧ видыштыже таҥасеныт. Регион кӱкшытан телымсе спртакиадыш республикын 13 районжо гыч 130 утла рвезе ушнен. Нуно силовой гимнастике, тыгак пневматический винтовко гыч лӱйкаленыт да кирам нӧлтеныт. Эше ече дене ӱчашеныт.

Республикысе калык усталык рӱдерын вуйлатышыже Эльвира Куклина проектым возымо паша нерген каласкала.

35 ий тӱрлӧ тӱс дене волгалтыт. Оршанке районысо Кугунур кыдалаш школ пеленсе «Шонанпыл» йоча образцовый ансамбльлан 35 ий. Ты амал дене тунемше-влак кугу пайрем концертым ямдылат.

Марий паркыште тыйын лӱмет. Йошкар-Олаште тыгай лӱман акций увертаралтын. «Шындер шырчык» клуб тунемше-влакым шырчык омартам шке кид дене ышташ ӱжеш. Ончыкыжым нуным Марий паркыш вераҥдат.

Шошо - кече еда вийым налеш. Каныш кечылаште да вес арнян икымше пелыштыже кечывалым южын кокла температурыжо 7 градус наре леве лийшаш. Лум утларак шула. Марий-влак шошын могай вий дене эртымыжым калык палым ончен, шекланеныт. 14 мартыште - Одоким кече.

Йӱдым юалге, кечывалым леве. Эҥер ден ерыште ий шулаш тӱҥалын. Марий Элысе МЧС-ыште изи куатан пуш-влак шотышто кугыжаныш инспекцийын пашаеҥышт ий кӱжгытым тергат. Тыгак колызо-влаклан лаштыкым пуэдат. Йошкар-Олаште, мутлан, ик эн лӱдышкӧ вер - Ширяйково микрорайонышто рӱдӧ каныме пляж кумдык. Тыгак специалист-влак шошым чӱчыкыдын Вознесенский черке шеҥгелне улшо кумдыкым тергат. Тыгай мероприятийым нуно кажне ийын икмыняр гана шуктат.

Кечывал деч ончыч - туныктымо тӧнеж, кечывал деч вара – сайлыме участке. Российыште ик эн тӱҥ сайлымашым эртараш школ-влакат полшат. Тидлан южо школлаште актовый але спортзалым лӱмын келыштареныт. Республикысе туныктымо тӧнежлаште 15, 16 да 17 мартыште сайлымаш комиссий пашам ышта. Тиде жаплан урок-влак ешартыш шинчымашым пуышо тӧнежыш куснен але уремыште эртаралтын кертыт. Икманаш, школлаште туныктымо пашаш вашталтыш пурталтеш.

Физрук ончычсо лийын ок керт. Российын сулло туныктышыжо Евгений Марков тидым шке примерже ден пеҥгыдемда. Шке 70 ийыштыже спортсмен чолга да таза илыш кучыш дене ила: зарядкым ышта, куржталеш, ече дене коштеш. Сулен налме канышыш лекмек, спортын кӱлешлыкшым поснак чот шижын. Уло илышыжым спорт дене кылдыше айдеме нерген мемнан сюжетна.