Тыланем мый тыланет... 06 октября 2022 г. 

23 гыч 25 сентябрь марте Адлер олаште куштылго атлетике дене Российын Чемпионатше эртен. Мемнан марий пӧръеҥ-влак сеҥымаш дене пӧртылыныт. Нунын кокла гыч ик сеҥышыже, спортын ветеранже Ипполит Лобанов дене мемнан съемочный группына вашлийын.

Муро йӱкеш шочынам да.. (Гармонист Анатолий Ермаков-младший ч.I)

Тыланем мый тыланет... 05 октября 2022 г.

Марий калыкын илышыштыже, тӱрлӧ йӱлаште ший эреак кучылталтеш. Ший – айдемын аралтыш, поянлык тамга. Илышыште тудын верже, да кушто тудым кучылтмым пален налаш съёмочный группына «Марий тӱр рӱдерыш» миен.

«Финн-угор транзит» калык сымыктыш да усталык фестиваль Марий Элышке толеш. Тушко театр коллектив да студий-влак ушнат. Фестиваль 6 гыч 8 октябрь марте эрташ тӱҥалеш. «Финн-угор транзит» Марий Элыште тӱҥалтышым налеш да 7-ше гана тӱрлӧ регионышто унам пога.

Марий Элыште 5 тӱжем утла педагог пашам ышта. Тиде кече вашеш Маристат образований сферын статистикыжым ыштен. Регионышто эн шуко туныктышо - руш йылме да литературым, математикым, йот йылме-влакым туныкта. Эн шагал педагог информатике, географий да биологий предмет дене пашам ышта.