Туныктышын арняжым шуэн… 3 гыч 7 октябрь марте Марий Элыште туныктышын арняжым увертареныт. Тудын кышкарыште тӱрлӧ вашлиймаш, почмо урок, пресс-конференций, флешмоб-влак эртаралтыт. Тачысе кечылан республикыштына 6 тӱжем утла педагог тырша. Нуно чыланат йоча-влаклан келге да пеҥгыде шинчымашым пуымаште чот тыршат. Ик тыгай туныктышо дене мемнан съемочный группына вашлийын.

Тыланем мый тыланет... 04 октября 2022 г.

Интервью с Заслуженным артистом РФ, актером Марийского национального театра драмы им. М.Шкетана Олегом Кузьминых. «Актуальное интервью» с Лирой Матвеевой.

Кунам моло деч ойыртемалтат, весышт гай отыл, кузе илыман? Тиде йодышым Марий самырык театрын черетан премьерыштыже лончылат. «Лаюкан агур» мистике сынан драмым Зинаида Долгован пьесыж почеш шындат. Айдемын илышыжым йӧршеш вес могырым ончалаш таратыше премьер 9 октябрьыште лиеш.

Тиде кечылаште республикыште туныктышо-влакын арняшт эртаралтеш. Мемнан кундемыште педагог-влак мастарлык-класслаште шке методикылаштым ончыктат. Тидын дене пырля квизыште таҥасат, «Туныктышылан йодыш» пресс-конференций эртаралтеш. Йоча да ача-ава-влак «Мыйын йӧратыме туныктышем» флеш-мобышко ушнат. Туныктышо-влакын арняшт жапыште профиссионал пайрем денат педагог-влакым саламлат. Поснак тӱрлӧ конкурслаште сеҥыше-влакым палемдат. 2023 ийым Российыште педагог да наставникын идалыкше семын увертарыме.

Российысе регионла гыч начарын ужшо йоча-влак Йошкар-Олаште. Нуным Российсе кеҥежымсе спартакиаде иктыш чумырен. Тудо 27 сентябрь гыч 2 октябрь марте эрта. Йоча-влак спортын тӱрлӧ видыштыже таҥасат. Кумданрак сюжетыште.

Гамлетым сценыште ужында? Уке? Тугеже тудым ужаш амал лектеш. Шкетан лӱмеш Марий Кугыжаныш драме театр у тургымым «Гамлет. Машина. Цемент» спектакль дене почеш. Кызыт театр уло вийым пыштен калыкым ӧрыктараш ямдылалтеш.

Марий Эл гыч 800 утла самырык еҥым частичный мобилизаций дене специальный военный операцийышке порысым шукташ колтеныт. Кугарнян «Арена Марий Эл» манеж гыч кумшо тӱшка каен. Каласыман, регион вуйлатышын кӱштымашыже дене мобилизаций дене порысым шукташ кайыше-влакын родо-тукмыштлан полышым ойырат, тыгак пӧръеҥ-влакланат республике шокшо вургмем да моло кӱлеш погым ситараш тӱҥалеш. Лишыл кечылаште Ульяновск оласе пунктышко полышым Марий Эл гыч наҥгаят. Республикын районла, олала гыч пӧръеҥ-влакым лишыл еҥышт ужаташ толыныт.

Марий йӱла: жрец из Куженерского района Рукавишников А.И о подготовке к осенним молениям