Август тылзын поянлыкше дене кугешнаш веле кодеш. Игече чот шокшо лийын гынат, пӱртӱс шке поянлыкшым арален моштен. Тений поснак поҥго лектышлан куаныман. 

Уверымат ямдылат, пакча-саскамат телылан шинчалтат. Марий Эл ТВ-ын корреспондентше-влак каныш кечым шкалан да ешлан пайдалын эртарат. Август кыдалне кӱшӧ пакчасаска утларак тӱткышым йодеш. Тыгак кызыт чодыраште кушшо поҥго пӱртӱс лоҥгаш лекташ тарата. Эртыше каныш кечын мемнан ӱдыр-влакна чодырашкат миен коштыныт, пакчаштат шогылтыныт, кухньыштат саскам шолтен, телылан ямдыленыт.                                                                             
 

Казань олаште «Итиль» этнофестиваль эртен. Тудо Юл кундем гыч мурызо, кидмастар, усталык шӱлышан еҥ-влакым ушен. Марий Эл гыч кидмастар Екатерина Мамаева миен. Кумданрак Лира Матвееван материалыштыже. 

У Торъял районлан - 100 ий. 

Кундемыштына «Марий кеҥеж» уремысе фестиваль умбакыже шуйна. Кажне арнян каныш кечылаште республикын рӱдолаштыже марий артист-влак, тӱвыра тӧнеж ден театр-влак калыклан концертым але спектакльым ончыктат. Тений фестиваль рӱдӧ площадкылаште гына огыл, тыгак кудывечылаште эртаралтеш. Фестивальын программыже концерт, ончер,  мастарлык-класс, тӱрлӧ спорт модмаш, каныме кас дене пойдаралтын. 30 августышто  Рӱдӧ каныме паркыште Республикысе марий тӱвыра рӱдерын «У муро» вокал студийже калыкым куандара. Концерт 18 шагатлан тӱҥалеш. 

Курыкмарий кундемын рӱдыштыжӧ марий калыкын сотный князьше Акпарслан чапкӱ турист маршрутышто таче эн йодмашан верлан шотлалтеш. Чапкӱм 17 ий ончыч шогалтеныт. Тиде жапыште ятыр тӱжем еҥ ты верыш толын каен. Мемнан съёмочный группына – нунын коклаште.          

106-шо театр тургымым у спектакль дене почыт. Репетиций, спектакль, премьер-влак. Шкетан лӱмеш Марий кугыжаныш драме театр кече еда гӱжла, калык дене пашам ышта. Кажне театр тургым артист да ончышо-влаклан моткоч вучымо. Тений тудым 5 сентябрьыште почыт. 

Спидкарвинг дене тӱнямбал  чемпион Владимир Алманов. 

Чылажат – йоча-влаклан. Шернур район Чылдемыр ял шотан илемыш пурышо Горняк посёлкышто йоча пайрем гӱжлен. Верысе кучемын, Горняк посёлкышто илыше-влакын тыршымышт дене у йоча площадке чоҥалтын. 

У Торъял район шке 100 ийжым палемден. Тиде пайрем лÿмеш посёлкышто ятыр мероприятий эртен. Нунын коклаште «Мое родное подворье», «Мир увлечений жителей района», «Йоча да ача-ава», «Районемын пеледыш тÿняже» ончер-влак пашам ыштеныт. Тылеч посна тÿрлö модмаш, конкурс да спорт таҥасымаш лийыныт. Торъял калыкым саламлаш Марий Эл виктер председательын алмаштышыже – тÿвыра печать да калык-влакын пашашт шотышто министр Константин Иванов миен.