Пашаште сай лектышым ончыктышо да эртыше идалыкыште конкурслаште сеҥыше журналист-влакым чапландареныт. Кугу пайрем Российысе печать кече вашеш эртен. Газет, журнал, телевидений, радио, интернет да савыктыш пашаеҥ-влакын профессионал пайремышт журналист-влакым республикысе курчак театрыште чумырен. Кумданрак сюжетыште.
Москвасе ВДНХ-ште эртаралтше «Россия» тӱнямбал выставке-форумышто элнан 89 регионжо шке кугежнымашыже, сеҥымашыже дене кылдалтше ончер дене палдара. Мемнан съемочный группылан икмыняр регионын стендышкыже миен, нунын дене палыме лийын. Таче ме тыланда Мордовий Республикын стендше дене палдарена.
Районласе СМИ-ште тыршыше журналист-влакым Российысе журналист ушемын Марий Элысе пӧлкашкыже пурташ тӱҥалыт. Кундемыштына журналист-влакын ушемышт 1957 ийыштак шочын да тачысе кече марте чолган пашам ышта. Ий гыч ийыш тушко у еҥ-влак ушнат.
Тимофей Евсеев лӱмеш калыкле тоштерыште этнографий пӧлкам уэмден почаш ямдылалтыт. Кок тылзат пеле жапыште экспозиций койынак вашталтын. Тӱҥ шотышто тудо технический могырым пойдаралтын. «Тӱвыра» нацпроект кышкарыште экран, тач-панель, проектор, тул оборудованийым налыныт. Тидын деч посна залыште чыла диорамым уэмденыт. Манекен-влакым шотыш конден шогалтеныт, шеҥгел фонлан у сыным пуэныт. Залжат у тӱсым налын. Тошто фотографий-влакат этнографий залыште шке верыштым муыныт, нунат у шӱлышым налыныт да уна-влакым марий йӱла, тӱвыра дене палдарат.
Курымашлык лӱмгече дене! 2024 ийыште республикысе 6 район шке шочмо кечыжым палемдаш ямдылалтеш. 100 ий ончыч август тылзыште марий автоном областьыште 6 кантон, кызыт район маныт, шочын. Тыге, тений Морко, Звенигово, Марий Турек, У Торъял, Юрино да Оршанке район-влак лӱмгечыштым палемдат. Кумданрак сюжетыште.
СВО-н участникше да ветеран-влаклан пӧлек. Октябрьыште Марий Элын калык артисткыже Светлана Осипова–Шос йолташыже-влак дене пырля концертым эртарен. Погымо шийвундо дене «Защитники Отечества» кугыжаныш фондын регионысо пӧлкаж дене пырля СВО-н участникше да ветеранже-влаклан пӧлекым ыштеныт. Кумданрак – материалыште.
Марий Элыште у медиа агентстве шочын. Республик кӱкшытан чыла газет-влак ынде ик организацийыш ушеныт. У Медиахолдингыш 8 газет пурталтын. Печать СМИ-м пырля ушаш Марий Элым Вуйлатыше темлен. Тиде республикысе периодикын пырля пашам ыштыме у йӧнжӧ. У медиа агенстве нерген мемнан сюжет.
Скандинавийысе коштмашлан шӱмаҥше-влак чумыргеныт. Марий Элыште 6-шо гана нордик-влакын слётышт эртен. Тушко ола да Республикын районлаж гыч команде-влак толыныт. Слёт онлайн формат денат эртен. Кумданрак – материалыште.
Марий ончышым усталык памаш куандара. 2024 ий Республикын икмыняр вӱдышӧ ансамбльже-влаклан лӱмгече идалык семын палемдалтеш. «Марий памаш» ансамбльлан – 50 ий, «Изи памаш»лан – 40 ий, «Эрвел марий» коллективлан – 35 ий, «Пеледыш» ансамбльлан – 65 ий. Ты лӱмгече пайремым коллектив-влак Республикысе калык усталык фестиваль дене пайремлат да кажне кумыланым ты фестивальыш ӱжыт.
У ийыште спортым йӧратыше да тудын дене пеҥгыде кылым кучышо-влакым ятыр старт вуча. Ик эн палыме да вучымо, мутат уке, «Российын ечыгорныжо».Тений тудо 10 февральыште эрта. Тиде да моло танасымаш нерген черетан материал.
