Вашталтыш верч! Йошкар-Олаште марий самырык театрын реновацийжым ыштат. Тиде тӱвыра тӧнежым эше 2017 ийыштак уэмдаш тӱҥалыныт, но окса укелан кӧра чоҥымаш паша шогалын. Олмыктымо паша нерген мут лекмеке, калыкыште кок тӱрлӧ шонымаш коштеш. Иктышт театрын тошто сынжым кодаш, а весышт тӧнежым уэмдыме верч шогат.

Муро йӱкеш шочынам да.. (детский ансамбль «Падыраш» ч.2).

СВО-што ӱмыр лугыч лийше самырык салтакым пытартыш корныш ужатыме тат сарзе операцийыш ушнаш таратен. Волжский район гыч «Лесник» але «Пантера» позывноян салтак шке кумылын элым аралаш шогалын. Талешке дене Эльвира Петрова вашлийын.

Кугыжаныш иктешлыше аттестаций умбакыже шуйна. 1 июньышто 11 классыште тунемше-влак математике дене кугыжаныш экзаменым кученыт. Базовый да прфильный математикым чылаже 2 тӱжемат 500 утла тунемше сдатлен. Республикыштына экзаменым эртарыме 33 пункт пашам ышта. Нунын кокла гыч иктыже, Йошкар-Оласе 28 номеран лицей. Тушто мемнан съемочный группына лийын.

Шинчымаш кугорно.

Курыкмарий районысо фермер Андрей Бабушкинын озанлыкыштыже шошо ага тургым мучашлалтеш. Шукерте огыл пасулаште пареҥгым шынден пытареныт, арня мучаш марте ковыштам кусарен шуктышаш улыт. Тачысе кечын фермерын 800 гектар мландыже уло, ик сотыкшат яра огеш кий. Кугу ужашым – пакчасаскалан ойырымо, молыштыжо – ӱдымӧ савыртышым кучат. Тидыже мландылан каналташ жапым пуа.

В День защиты детей сотрудники Госавтоинспекции проверят соблюдение водителями правил перевозки юных пассажиров.

Марий калыкын эн вучымо пайремже, Пеледыш пайрем лишемеш. Тудо марий калыкын тӱвыра поянлыкше, ыштыш-кучышыж дене чаплана. Йошкар-Олаште Пеледыш пайремым кок кече пайремлаш тӱналыт. 16 июньшто уна-влакым вашлийыт. Тиде кечын «Келшымаш кас» лиеш, а 17 июньышто кумда программе калыкым икмыняр площадкыште чумыра. Тений 100 ияш лӱмгечылан пӧлеклалтше Пеледыш пайрем могайрак лиеш? Организатор-влак мом темлат? Нине йодыш-влаклан вашмутым мемнан съемочный группына пален налаш тыршен.

Марий Элыште кинематографийым вияҥдат. Лишыл жапыште кундемыштына «Цветик-семицветик» йоча мюзиклым сниматлаш пижыт. Тичмаш метражан фильм - тӱвыра министерствын проектше. Фильмын режиссержо марий кундемын шочшыжо Андрей Огородников. Кызыт съемкым могай верыште ышташ тӱҥалыт, кутырен келшеныт. Специалист-влак костюмым ямдылат. «Цветик-семицветик» мюзиклын премьерыже вес ийын шошым лийшаш.

Футбол дене ӱдыр-влакат модыт. 19-ше курымышто английыште шочшо спорт таче кумдан чапланен. Футболым мландынан чыла лукыштыжо палат да ончат. Тудын икмыняр видше уло. Мутлан, мини-футбол але кугу футбол. Ондак тиде модмашыште утларакшым пӧръеҥ-влак таҥасеныт гын, кызытсе саманыште ӱдыр-влакат шеҥгелан огыт код. Футбол дене модшо ӱдыр-влакын командышт нерген сюжетыште каласкалена.