- Дата: 20:55, 9-06-2023
- Просмотров: 272
Курыкмарий драме театр у премьерым ямдыла! Илья Ильф да Евгений Петровын романышт почеш шындыме «Двенадцать стульев» постановкым калыклан аклаш луктеш. Тиде спектакль Козьмодемьянсклан моткочак лишыл. Садланак тудо олан лӱмгечыжлан, 440 ийжылан пӧлек. «Двенадцать стульев» постановко 9 июньышто Козьмодемьянск олаште, Яков Эшпай лӱмеш калык тӱвыра рӱдерыште лиеш. 18 шагатлан тӱҥалеш.
Какшан сер ӱмбалне марий муро йоҥген. 2 июньышто «Кугарня» газет редакций да «Марий Эл» савыктыш пӧрт «Какшан сер ӱмбалне» лӱман фестивальым 3-шо гана эртареныт. Шке йырже тудо утларакшым мурым возышо да гитар дене шоктышо еҥ-влакым чумырен. Кӧ тушко ушнен? Мо дене фестиваль ойыртемалтын? Вашмут-влак черетан материалыште.
Агавайрем кумалтыш-влак эртаралтыт. Мланде шочмо кечын, 5 июньышто У Торъял район Эшымсола отышто шошо кумалтыш лийын. Тушко воктен улшо ялла, вес район гычат еҥ-влак толыныт. Марий калыкын тӱҥ онаеҥже Александр Иванович Таныгин кажне ийын тиде отышто пелешта, перкем йодеш. Толшо-влакат сай кинде лектышым, тыныс илышым йодын кумалыт.
«Марий Эл ТВ»: Интервью с заместителем министра спорта и туризма Республики Марий Эл Светланой Новоселовой. «Актуальное интервью» с Лирой Матвеевой.
Татарстан Республикыште кугу марий пайремым вашлийыныт. Эртыше каныш кечылаште Агрыз районысо Пелемеш селаште Семык пайремым кумдан палемденыт. Тушко Марий Эл деч посна, Удмуртий, Башкортостан, Татарстан Республикыла, тыгак Свердловский область гыч марий-влак ушненыт. Пайремыш лӱмынак кундемнан вуйлатышыже Юрий Зайцев да Татарстанын Раисше Рустам Миниханнов толыныт. Нуно марий йӱла, илыш-кучыш, кочкыш да кид-мастар-влак дене палыме лийыныт. Тидын деч посна регион вуйлатыше-влак Татарстан Республикыште марий шӱлышым вияҥдыше чолга еҥ-влакым чап танык дене палемденыт. Нунын радамыште Кугу Шия школын директоржо Лидия Баймурзина.
Ончыклык лӱмлӧ музыкант ден сӱретче-влакым ямдылат. Калыкле сымыктыш гимназий 1-ше классышке приёмный кампаний умбакыже шуйна. Тений 20 сӱретче ден 25 музыкантым погат. Талантан ӱдыр-рвезе-влакым школышто 7 июнь марте вучат. Приемный кампаний нерген кумданрак- материалыште.
Тӱткӧ лийза, пий ден пырысдам чӱчкыдын тергыза. Кызыт, пудий талышныме жапыште нине мӧҥгысӧ вольык-влак пироплазмоз дене черланат. ВетеринАрий комитетын специалистышт палемдат, кечыште 5-6 йодмаш пура. Пироплазмоз мо дене лӱдыкшӧ? Кузе пий ден пырысым аралыман? Тиде да моло йодыш-влаклан вашмутым мемнан съемочный группына кычалын.
Тамакым шупшде эртарыме кечын полиций, мер пашаеҥ, активист, нарколог-влак «Таза илыш верч» акцийым эртареныт. Оласе тӱвыра да каныме паркыште, уремлаште тамакым шупшмашын уда могыржо, тӱшка верлаште арака йӱмашын зиянже нерген умылтареныт. 31 майыште Республикысе наркологий диспансерын специалистше-влак тӱвыра да каныме паркыште тидын дене кылдалтше акцийым эртареныт. Кумданрак – материалыште.