Икшывым сценыште ончаш да нунын дене пырля куан кумылыштым пайлаш эреак кугу ПИАЛ. А кунам нуно гармонь дене шоктен мурен, куштен пуат - куан кумыл кок пачаш кушкеш. Гармонь, марий муро, сем, тӱвыра деке шӱмаҥдыме амал дене Республикысе марий тӱвыра рӱдер регион кӱкшытан «Изи гармоньчо» конкурсым эртара. Кумданрак – материалыште.
Тӱвыра инициативе шотышто президент фонд деч полыш. Эртыше идалык мучаште Йошкар-Олаште проект офис почылтын. Тушто усталык шӱлышан еҥ-влак туныктымо семинарыш чумырген, теорий полышым налыт. Черетан тыгай семинарыште мемнан съемочный группына лийын.
Марий калыкын йӱлаже тӱрлӧ пайремлан поян. Нунын коклаште Шорыкйол, Ӱярня, Кугече, Семык, Агавайрем да молат. Южо вере пайрем-влак да нуным эртарыме радам ойыртемалтыт. Лач тыгай улеш Коҥга пайрем але Коҥга пазар. Тудым пургыж тылзын 12-шо кечынже Кужэҥер районысо Коҥганур ялыште, Токтайбеляк селаште палемдат.
Тӱткыш корнылан. Республикыште «Лӱдыкшыдымӧ да сай качестван автомашина корно» программе умбакыже шуйна. Тений тудын почеш республик мучко 170 утла километр корным тӧрлаш тӱҥалыт. Ӱмаштат кугу паша ышталтын. Эн сай показательым Оршанке район ончыктен.
Пижедылше да куснылшо черым шижтарыме да вольыкым аралыме шот дене. Республикыштына 1 март гыч вольыкым маркироватлымаш да учетыш шогалтыме паша шукталташ тӱҥалтеш. Тидын шотышо вольык, янлык чер ваштареш шогышо марий станцийын вуйлатышыж дене кутыренна, йодышым рашемденна.
Идалыклан ик гана. Эртыше ийын «Марий Эл Радион» базышкыже пурышо 200 наре у муро гыч 30 эн сайже сцене гыч йоҥгалтеш. Калыкын йӧратыме «Идалыкысе муро» фестивальже тений 29 февральыште эрта.
Ӧрма, пондаш йымал тӱр пӧръеҥ вургемыште гына лийын. Кӱзан ӱштӧ, пӧръеҥ шергаш, кидшол. Ӱдырымаш вургем дене таҥастарымаште, пӧръеҥ вургемыште тӱр шуко лийын огыл гынат, аралтыш пале-влак кугу верым налыт. Тачысе кечын марий пӧръеҥын вургемже вашталт толын да шукыжым аралалтынат огыл. Тидым шотышко налын, «Марий тӱр рӱдер», тӱрлызӧ-влак марий пӧръеҥын вургемже нерген утларак палдараш шонымаш дене 2024 ийым –пӧръеҥ вургемын идалыкше семын увертареныт.
«Марий Эл ТВ»: Интервью с директором Республиканского центра марийской культуры Василием Петровым. «Актуальное интервью» с Лирой Матвеевой.
27 январь элнан историйыштыже посна пале дене возалтын. Лачак тиде кечын 1944 ийыште Ленинград олам блокаде деч утарыме. 900 наре кече да йӱд шуйнышо осаде гыч утарымылан тений 80-ле ий темын. Кугу датылан пӧлеклалтше тӱшка мероприятий-влак республик мучко эртеныт.
Ила ыле гын, тений 65 ийым тема ыле. М. Шкетан лӱмеш марий кугыжаныш драме театрыште лӱмлӧ марий писатель, кусарыше, мурым возышо, критик Вячеслав Абукаев-Эмгакым шарныме кас эртен. Марий ончылъеҥ пытартыш ийлаште лачак ты театрыште пашам ыштен. Возымо икмыняр пьесыжат ты сценыште шындалтын.
