13:22, 12-10-2022«Журавушка» социал-реабилитаций рӱдер черетан сменым вашлиеш

«Журавушка» социал-реабилитаций рӱдер 17 октябрьыште черетан сменым вашлиеш. Путевко-влак дене частичный мобилизаций дене службышко ушнышо-влакын икшывышт тушто канен кертыт. Тыгак путевкым неле ситуацийыш логалше шуко шочшан ешлан пуат. Йоча-влак тушто тазалыкым пеҥгыдемдыме курсым эртат: массаж, фитолечений, ЛОР, грязелечений, психологический полыш да молат. Путевко почеш кок арня канаш лиеш.