Коронавирус дене черланен эмлалтше медпашаеҥ-влак республикысе санаторийлаште яра канен кертыт. Тидын шотышто Правительстве Постановленийышке кидпалыжым регион вуйлатыше Александр Евстифеев пыштен. Документ дене келшышын, 2021 ийыште регионысо тазалыкаралтыш министерствын медицин организацийлаштыже пашам ыштыше-влаклан яра канаш йӧн лиеш.
Медпашаеҥ-влак путевко-влакым шкешт налыт, тидын дечын вара роскотым тӱрыс пӧртылтат. Санаторно-курортный организацийыште 14 кече каныман, Марий Элыште медпашаеҥ-влак «Сосновый борышто» канен кертыт, кодшо ийын тушто 175 медпашаеҥ канен да тазалыкшым пенгыдемден.
Комментариев: 0