У тунемме ий вашеш – у йочасад. Тудо Медвдево поселкышто почылтын да 100 икшывылан келыштаралтын. Чехов уремыште верланыше йоча тӧнежышке кокыт гыч шым ияш йоча-влак кошташ тӱҥалыт. У йочасадыште чылажат моткоч чот йӧнан, йоҥгыдо группо-влак, стандартлан келшыше пищеблок, музыкальный да спорт дене кылым кучаш зал-влак, тыгак лӱдыкшыдымылыклан кугу тӱткыш ойыралтын. Ешарен кодаш лиеш, пытартыш ныл ийыште Медведево райнышто 6 у йочасад шке омсажым почын. «Теремок» йочасадым почмаште регион вуйлатыше Александр Евстифеев лийын, тудо ача-ава, йоча, да педагог-влакым у тунемме ий да тиде куан тат дене саламлен.
Комментариев: 0